Пора билан ушланган Қурилиш вазирлиги ходими қочишга уринди

Қурилиш ва уй-жой коммунал хўжалиги вазирлиги бош мутахассиси Тошкентда пора олаётган вақтида қўлга олинди. Маълумотларга кўра, у МЧЖ раҳбаридан 1500 долларни олган вақтида ушланган. Қўлга олиш пайтида қочишга уринган, аммо тезкор ходимлар томонидан тўхтатилган. Терговда аниқланишича, у Юнусобод туманидаги 6 та уйни бошқа компанияга ўтказиш учун “Менинг уйим” платформаси орқали ҳужжатларни расмийлаштириш эвазига 2200 доллар талаб қилган. ⚖️ Ҳозирда унга нисбатан жиноят иши қўзғатилиб, тергов ҳаракатлари давом этмоқда.