Алпар авылында яшәүче Наҗия Гатауллина әнисенең истәлеге булып сакланган әйберләре турында сөйләде

Әлки районының Алпар авылында яшәүче Гатауллина Наҗия Шәрифулла кызы әнисенең истәлеге булып сакланып, үзе өчен бик тә кадерле булган әйберләре турында сөйләде. Аның кулындагы табын әйләнмәләре кулдан тукылган. Ул зур көч куеп, күп вакыт сарыф итеп башкарылган. Нечкә генә җепләрне махсус җайланмада куеп барып, зур тастымаллар әзерләнгән. Шулай ук аңарда буыннан-буынга тапшырылып баручы көмеш беләзек тә бар. Аңа халкыбызның милли бизәкләре төшерелгән.