Алагиры 5-æм скъолайы бындурыл кусы æфсæддон-патриотон клуб "АС-Аланы"
Ахуырдзауты Калашниковы автомат райхалын æмæ сæмбырд кæнынæн минут дæр нæ бахъæуы. Хæслæвæрдтæ сæххæст кодтой иттæг хорз. Сæ ахуыргæнæг сæ разыйæ баззад. Ахæм арæхстдзинад цыбыр рæстæгмæ райстой æфсæддон-патриотон клуб "АС -Аланы"-йы. Сывæллæттæ уроктæй иу дæр нæ цух кæнынц, разæй — ахсджиаг ерыстæ. 16-æм апрелы райдайдзæн "Зарница"-йы районы къæпхæн. Уæлахиздзаутæ дарддæр архайдзысты республикæйы æмвæзадыл. Сывæллæттæ сæ хъомылгæнæг Дзитойты Артуримæ сæ размæ стыр нысантæ æвæрынц. Клуб "АС-Аланы" - йы уæнгтæ архайынц цалдæр дисциплинæйы. Æфсæддон топографи, медицинон цæттæдзинады æмæ æндæрты. Сæ боны фæтк бæлвырдгонд у. Æфсæддон-патриотон клуб равзæрд 2013 азы Дзитойты Артуры хъæпприсæй. Ахæм ахсджиаг хъуыддаджы йæм фæкастысты йæ хæлæрттæ æмæ районы разамынд. Абон клуб æмгуыст кæны къорд ведомствæтимæ. Клуб æхсызгонæй æнхъæлмæ кæсы алы архайæгмæ дæр. Æнæмæнг домæн - хиуыл кусын зæрдиаг фæнд. Сывæллæттæ ардæм æрбацæуынц æгас районæй. Клуб фæстаг æхсæз азы кусы Алагиры 5-æм скъолайы бындурыл. Уæлдай сæрыстыр сты хъомылгæнинæгты æнтыстдзинæдтæй. Уымæн æвдисæн дæсгай кубоктæ æмæ майдантæ. Æрæджы дæр равдстой бæрзонд цæттæдзинад. Скъоладзаутæ разæнгардæй цæуынц клубмæ. Æдæппæтæй сты 25-æй. Ам сæ райрæзтæн ис æппæт гæнæнтæ. Æрвылбон сæхиуыл кусынц, бæстон кæнынц сæ арæхстдзинад. Кучиты Георгий клубы архайы æртыккаг аз. Уыцы рæстæгмæ базыдта бирæ ногдзинæдтæ æмæ ууыл æрлæууынмæ нæ хъавы. Йæ размæ æвæры стыр нысантæ. Боциты Валерия клубмæ æрбацыд 11-аздзыдæй, йе 'мбæлттæм кæсгæйæ. Чызджы зæрдæмæ фæцыд æфсæддон уæлæдарæс, цымыдисаг æм фæкаст. Уæдæй абонмæ бирæ зонындзинæдтæ райста. Æппынæдзух æхсызгонæй архайы алыхуызон æркастыты. Клубы уæлдай æргом здахынц патриотон хъомыладмæ. Рæзгæ фæлтæры Райгуырæн бæстæ уарзынмæ разæнгард кæнын ахуыргæнджытæ нымайынц сæ хæсыл. Æппынæдзух сын скæнынц Лæгдзинады уроктæ. Уымæй уæлдай сывæллæттæ æххуыс кæнынц сæрмагонд æфсæддон операцийы архайджытæн. Арвитынц сын сæхи къухтæй конд акъоппы цырæгътæ, зæрдæбын ныхæстимæ фыстæджытæ, сæмбырд кæнынц гуманитарон æххуыс. Æрвылаз Стыр Уæлахизы бонмæ бабæрæг кæнынц ветеранты. Сывæллæтты миддуне цас хъæздыгдæр уа, уыйбæрц сæ фидæн расугъддæр уыдзæн. Абон йæ рæстæг чи нæ æвгъау кæны рæзгæ фæлтæрæн, уый æвæрæн хæссы райдзаст райсоммæ. Фæлтæрдджын разамонджыты фæрцы æвзонг лæппутæ æмæ чызджытæй, æнæмæнг рауайдзæн æгас Уæрæсейæн фæзминаг æрыгон адæм.
Ахуырдзауты Калашниковы автомат райхалын æмæ сæмбырд кæнынæн минут дæр нæ бахъæуы. Хæслæвæрдтæ сæххæст кодтой иттæг хорз. Сæ ахуыргæнæг сæ разыйæ баззад. Ахæм арæхстдзинад цыбыр рæстæгмæ райстой æфсæддон-патриотон клуб "АС -Аланы"-йы. Сывæллæттæ уроктæй иу дæр нæ цух кæнынц, разæй — ахсджиаг ерыстæ. 16-æм апрелы райдайдзæн "Зарница"-йы районы къæпхæн. Уæлахиздзаутæ дарддæр архайдзысты республикæйы æмвæзадыл. Сывæллæттæ сæ хъомылгæнæг Дзитойты Артуримæ сæ размæ стыр нысантæ æвæрынц. Клуб "АС-Аланы" - йы уæнгтæ архайынц цалдæр дисциплинæйы. Æфсæддон топографи, медицинон цæттæдзинады æмæ æндæрты. Сæ боны фæтк бæлвырдгонд у. Æфсæддон-патриотон клуб равзæрд 2013 азы Дзитойты Артуры хъæпприсæй. Ахæм ахсджиаг хъуыддаджы йæм фæкастысты йæ хæлæрттæ æмæ районы разамынд. Абон клуб æмгуыст кæны къорд ведомствæтимæ. Клуб æхсызгонæй æнхъæлмæ кæсы алы архайæгмæ дæр. Æнæмæнг домæн - хиуыл кусын зæрдиаг фæнд. Сывæллæттæ ардæм æрбацæуынц æгас районæй. Клуб фæстаг æхсæз азы кусы Алагиры 5-æм скъолайы бындурыл. Уæлдай сæрыстыр сты хъомылгæнинæгты æнтыстдзинæдтæй. Уымæн æвдисæн дæсгай кубоктæ æмæ майдантæ. Æрæджы дæр равдстой бæрзонд цæттæдзинад. Скъоладзаутæ разæнгардæй цæуынц клубмæ. Æдæппæтæй сты 25-æй. Ам сæ райрæзтæн ис æппæт гæнæнтæ. Æрвылбон сæхиуыл кусынц, бæстон кæнынц сæ арæхстдзинад. Кучиты Георгий клубы архайы æртыккаг аз. Уыцы рæстæгмæ базыдта бирæ ногдзинæдтæ æмæ ууыл æрлæууынмæ нæ хъавы. Йæ размæ æвæры стыр нысантæ. Боциты Валерия клубмæ æрбацыд 11-аздзыдæй, йе 'мбæлттæм кæсгæйæ. Чызджы зæрдæмæ фæцыд æфсæддон уæлæдарæс, цымыдисаг æм фæкаст. Уæдæй абонмæ бирæ зонындзинæдтæ райста. Æппынæдзух æхсызгонæй архайы алыхуызон æркастыты. Клубы уæлдай æргом здахынц патриотон хъомыладмæ. Рæзгæ фæлтæры Райгуырæн бæстæ уарзынмæ разæнгард кæнын ахуыргæнджытæ нымайынц сæ хæсыл. Æппынæдзух сын скæнынц Лæгдзинады уроктæ. Уымæй уæлдай сывæллæттæ æххуыс кæнынц сæрмагонд æфсæддон операцийы архайджытæн. Арвитынц сын сæхи къухтæй конд акъоппы цырæгътæ, зæрдæбын ныхæстимæ фыстæджытæ, сæмбырд кæнынц гуманитарон æххуыс. Æрвылаз Стыр Уæлахизы бонмæ бабæрæг кæнынц ветеранты. Сывæллæтты миддуне цас хъæздыгдæр уа, уыйбæрц сæ фидæн расугъддæр уыдзæн. Абон йæ рæстæг чи нæ æвгъау кæны рæзгæ фæлтæрæн, уый æвæрæн хæссы райдзаст райсоммæ. Фæлтæрдджын разамонджыты фæрцы æвзонг лæппутæ æмæ чызджытæй, æнæмæнг рауайдзæн æгас Уæрæсейæн фæзминаг æрыгон адæм.